InfoCapital ehf. er íslenskt fjárfestingarfélag stofnað árið 2009 með áherslu á fjártækni og gagnadrifnar, sjálfvirkar lausnir sem stytta boðleiðir milli seljenda og viðskiptavina þeirra. Félagið fjárfestir bæði í skráðum og óskráðum fyrirtækjum og tekur þátt í uppbyggingu nýsköpunarfyrirtækja. Stofnandi og stjórnarformaður InfoCapital er Reynir Grétarsson, frumkvöðull með lögfræðimenntun og mikla reynslu í fjártæknigeiranum. Hann er einnig stofnandi og fyrrum forstjóri og stjórnarformaður Creditinfo Group og fyrrum forstjóri SaltPay á Íslandi.